خالمۇرات غۇپۇرنىڭ ئۇيغۇر گېنى ھەققىدىكى تەتقىقاتى

خالمۇرات غوپۇر تەجىربەخانىسى 2017-يىلىنىڭ باشلىرىدا ئوتتۇرا ئاسىيالىق ئاياللارنىڭ گېنىتىكىسىنى تەتقىق قىلغان ماقالىنى تەبىئەت ژورنىلىغا سۇنغان بولۇپ، بۇ ماقالىسى 2017-يىلى نويابىردا توردا ئېلان قىلىنغان. (نې نى ئاقماس ئىشلارنى توردا غۇل غۇلا قىلىدىغان بۇ ئۇيغۇرلار ئەپسۇس خالمۇرات غوپۇر تەبىئەت ژۇرنىلىدا ماقالە ئېلان قىلسا ھېچكىم  توردا غۇل غۇلە قىلمىغان. نېمىشقا دەپ سوئال قويىدىغانلار يوقمۇ؟)

تەبىئەت ژۇرنىلىغا ماقالىسى ئېلان قىلىنغان ۋە قىلىنىدىغان ئالىملارنىڭ قانچىلىك ئەقىللىق ۋە ئەستايىدىل ئادەملەر ئىكەنلىكىنى بۇ يەردە ئەسكەرتىپ قويۇش كېرەك. ئارتۇق گەپ ئىشەككە يۈك.

مەن ئالدىنقى ئۇيغۇرلارنىڭ گېنى ھەققىدىكى تېمىدا پامىر تاجىكلىرى بىلەن ئۇيغۇرلارنى بىر ئاز سېلىشتۇرۇپ، تاجىكلارنىڭ گېنىتىكا ئالاھىدىلىكى بولسا شەرقى جەنۇبى ئاسىيالاشمىغان ۋە تۈركلەشمىگەن بۇرۇنقى ئۇيغۇرنىڭ گېنىتىكا ئالاھىدىلىكىگە ئوخشاش دەپ ئېيتقان.

خالمۇرات غوپۇر ماقالىسىدىمۇ تاجىكلارنى تەتقىقات ئوبۇكتى قىلغان بولۇپ، بۇ يەردە ئوقۇرمەنلەرنىڭ ئاسان چۈشىنىشى ئۈچۈن پەقەت ئالدىنقى تېمىدا تىلغا ئېلىنغان پامىر تاجىكلىرى بىلەن ئۇيغۇرلارنىڭ دى ئېن ئا ئالاھىدىلىكىنى تىلغا ئالىمەن. ماقالىگە ئالاھىدە قىزىققۇچىلار ماقالىنىڭ مەنبەسىگە كىرىپ تەپسىلاتىدىن خەۋەر تاپسا بولىدۇ.

ئەمدى گېپىمىزنىڭ ئاساسىغا كەلسەك  ماقالىدىكى نەتىجىدە پامىر تاجىك ئاياللىرى ۋە ئاتۇش ئۇيغۇر ئاياللىرىنىڭ سېلىشتۇرمىسى تۆۋەندىكىدەك:

رەسىمدىن كۆرۈپ تۇرغىنىڭلاردەك ئۇيغۇر ئاياللىرىنىڭ ئوخشىمىغان ئېرىقلاردىن كېلىش مەنبەسى تاجىكلارنىڭكىدىن كۆپ، تاجىكلاردا ئەڭ يۇقۇرى يەنى قىزىل رەڭلىك رايون 52 پىرسەنتنى ئىپادىلەۋاتقان بولۇپ، بۇ گۇرپا كىشىلەرنىڭ مەنبەسى ئوتتۇرا شەرىق دەپ قارىلىدۇ. بۇ گۇرپا ئادەملەر ئۇيغۇرلاردا بولسا 18.5 پىرسەنتنى ئىپادىلەپ تۇرۇپتۇ

قىزىقىدىغانلار ئۆزلىرى ئۇيغۇرلارنىڭ ھەربىر گۇرپىسىنىڭ مەنبەسىنىڭ نەدىن ئىكەنلىكىنى ئۆزى ئىزدەنسە بولىدۇ. ئەمما ماقالىنىڭ تېخىمۇ يارقىن نۇقتىسى شۇكى خالمۇرات غوپۇر ئوتتۇرا ئاسىيا ئاياللىرىنىڭ دىن ئېن ئاسىنى  تىبەت ئاياللىرى ۋە خەنزۇ ئاياللىرىغىمۇ سېلىشتۇرۇلغان. نەتىجە مانا مۇنداق:

بۇ نەتىجىگە كۆزىمىزنى يوغان ئېچىپ قارايدىغان بولساق، ئاتۇش ئۇيغۇر ئاياللىرى، شەرقى پامىر قىرغىز ئاياللىرى ۋە خەنزۇ ئاياللارنىڭ ئەجدادىنىڭ مەنبەسى ئاساسەن ئوخشاش ئىكەنلىكىنى بىلىۋالالايمىز. يەنى ئاتۇش ئۇيغۇر ئاياللىرىنىڭ ئەجدادلىرى ياۋرو ئاسىيا قىتئەسىنىڭ شەرقى شىمالىدىن كەلگەن. ئاددىيلاشتۇرغاندا بۈگۈنكى زاماندىكى ئۇيغۇر ئاياللىرنىڭ ئاساسلىق كېلىش مەنبەسى شەرقى ئاسىيادۇر.

بۇ ماقالىدە خالمۇرات غوپۇر ئۇيغۇر ئاياللىرىنىڭ ياۋروپا ئېرىقى ئىكەنلىكىدەك تور يۈزىدىكى تەشۋىقاتقا خېلى ئېغىر قارشى پاكىت ئوتتۇرغا قويغان بولۇپ، ئۇيغۇر ئانىلىرىمىزنىڭ ھەق ھوقۇقىنى ياخشى قوغدىغان. ئۇيغۇر ئانىلىرىمىزنىڭ شەرقى ئاسىيالىق بولىشى ھەرگىز نومۇس قىلغۇدەك ئىش ئەمەس.  

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.